O alumnado de Educación Infantil e Primaria do Colexio San Fermín participou nun fermoso intercambio de postais co alumnado da Escola Infantil San Nicolás. Os nosos nenos e nenas elaboraron con moita ilusión as súas postais, que foron entregadas polos máis pequenos para compartir esta tradición e reforzar os lazos entre os dous centros.
A actividade tamén permitiu que os pequenos da Escola Infantil nos agasallasen con postais cheas de creatividade, realizadas empregando as súas mans, os seus pés e a imaxinación. Cada postal converteuse nunha peza única que reflexa o entusiasmo e a participación activa do alumnado.
Durante o encontro, ademais do intercambio de postais, compartiron panxoliñas e cancións de Nadal, enchendo o espazo de alegría, música e espírito festivo. Foi unha experiencia enriquecedora que combinou creatividade, cooperación e celebración.
Dende o Colexio San Fermín queremos agradecer á Escola Infantil San Nicolás a súa colaboración e acollida, que fixo posible vivir un momento tan especial. Seguimos creando experiencias educativas cheas de maxia e aprendizaxe compartida.
