O alumnado de 3.º e 4.º de Primaria comezou o trimestre cunha saída didáctica ao Aeroporto de Vigo, unha experiencia pensada para aprender fóra da aula e coñecer de preto o funcionamento dun espazo tan relevante para o transporte e a comunicación.
Durante a visita, os nenos e nenas percorreron diferentes zonas da terminal, onde puideron descubrir como funciona o control de seguridade, o proceso de embarque e a área de chegadas. Esta parte da actividade axudoulles a comprender mellor os pasos que se seguen cando se viaxa en avión.
Ademais, tiveron a oportunidade de visitar a zona dos bombeiros do aeroporto, onde coñeceron os seus vehículos e o importante labor que realizan para garantir a seguridade das instalacións. A xornada completouse cunha actividade moi especial xunto a un cetreiro, que lles presentou dúas aguias e lles explicou curiosidades sobre estas aves e o seu papel na contorna aeroportuaria.
Foi unha experiencia chea de aprendizaxes, emocións e descubrimentos, que permitiu ao alumnado ampliar coñecementos e vivir unha xornada diferente e moi enriquecedora.
