O alumnado de Educación Infantil e 1.º de Primaria viviu unha xornada moi especial cunha excursión á Coruña, na que tiveron a oportunidade de visitar o Aquarium e a Casa das Ciencias.
Durante a visita ao Aquarium, os nenos e nenas descubriron diferentes especies mariñas e puideron observar de preto tiburóns, medusas, peixes pallaso, focas e moitos outros animais do mundo mariño. Un dos momentos máis emocionantes foi coñecer ao famoso tiburón Gastón, que espertou a curiosidade e o entusiasmo de todo o alumnado.
A xornada continuou na Casa das Ciencias, onde exploraron o mundo das constelacións e participaron en actividades que lles permitiron achegarse á ciencia dun xeito práctico, visual e moi divertido.
Ademais de aprender moitas cousas novas de maneira vivencial, esta saída permitiu compartir tempo fóra da aula, reforzando a convivencia, o compañeirismo e a ilusión por descubrir o mundo xuntos.
Foi, sen dúbida, unha experiencia inesquecible para todo o alumnado.
