O outono chegou ao Colexio San Fermín e celebrámolo cunha festa chea de descubrimentos, xogos e aprendizaxes!
O alumnado de Educación Infantil gozou dunha xornada moi especial, con diferentes estacións de actividades nas que puido experimentar, explorar e desfrutar desta estación do ano.
Ao longo da celebración, degustamos froitas de tempada, cantamos e bailamos, divertímonos co pintacaras e participamos en diferentes xogos. Ademais, nas mesas de experimentación, os nenos e nenas puideron descubrir, tocar e manipular follas, froitos e outros elementos propios do outono, estimulando os seus sentidos e a súa curiosidade.
Pola súa banda, o alumnado de Educación Primaria tamén se achegou aos froitos característicos desta época do ano e deixou voar a súa creatividade na materia de Arts, con propostas artísticas inspiradas no outono.
Foi unha xornada chea de cor, diversión e aprendizaxes, na que descubrimos que cada estación nos ofrece novas oportunidades para experimentar, crear e aprender xuntos.
