Así se viviu o noso Festival de Fin de Curso, unha das citas máis esperadas do ano e un momento moi especial para toda a comunidade educativa.
Foi unha tarde chea de música, baile, emocións, nervios e moita ilusión, na que o noso alumnado se converteu no gran protagonista. Tras semanas de ensaios e preparación, os nenos e nenas demostraron sobre o escenario todo o seu esforzo, talento e entusiasmo, regalándonos actuacións inesquecibles.
Queremos felicitar a todo o alumnado polo magnífico traballo realizado e agradecer ás familias a súa presenza e apoio unha vez máis. Agardamos que desfrutásedes desta celebración tanto como nós.
Un ano máis, queremos expresar tamén o noso máis sincero agradecemento a todos os establecementos e entidades que colaboraron co festival. Grazas á súa xenerosidade e implicación, o alumnado de 5.º e 6.º de Primaria poderá contribuír a sufragar os gastos da súa excursión de fin de curso.
Grazas a todas as persoas que fixeron posible esta xornada tan especial. Pechamos o curso celebrando xuntos os logros acadados e gardando fermosos recordos que nos acompañarán durante moito tempo.
